پاکپتن اکرام حسین شاہ سے
نہر کنارے افسوسناک حادثہ پیش آیا ہے جہاں نہر میں شگاف پڑنے سے کنارہ اچانک دھنس گیا اور 12سالہ بچہ مٹی تلے دب کر جاں بحق ہو گیا۔ ڈپٹی کمشنر نے واقع کا نوٹس لے لیا پاکپتن کے نواحی گاؤں 74 ڈی میں نہر کے کنارے کھڑا 12 سالہ عبداللہ اچانک زمین بیٹھ جانے کے باعث مٹی کے تودے تلے دب گیا۔ عینی شاہدین کے مطابق نہر میں شگاف پڑنے سے کنارہ کمزور ہو چکا تھا جو اچانک دھنس گیا۔ مقامی افراد نے بچے کو نکالنے کی کوشش کی تاہم وہ جانبر نہ ہو سکا۔ کمسن عبداللہ کی ہلاکت پر علاقے میں کہرام مچ گیا جبکہ اہل خانہ غم سے نڈھال ہیں۔دوسری جانب ڈپٹی کمشنر پاکپتن نے واقع کا فوری نوٹس لیتے ہوئے انکوائری اور ذمہ داروں کے تعین کے لیے مکمل تحقیقات کا حکم دے دیا ہے۔