مری (راشد مغل) معروف سیاسی،سماجی وکاروباری شخصیات،چیئرمین ہوٹل ایسوسی ایشن مری راجہ عرفان عباسی نے کہا ہے کہ ملکہ کوہسار مری پاکستان کا دل ہے اور یہاں آنے والے سیاحوں کے داخلہ پر پابندیاں عائد کرنا غیر ضروری اور مقامی معیشت کے لیے نقصان دہ ہے،میڈیا سے گفتگو کرتے ہوئے انہوں نے کہا کہ مری وطن عزیز کااہم ترین سیاحتی مرکز ہے جہاں ملک اوردنیا بھر سے سیاح یہاں کے دلفریب موسم، خوبصورت وادی کے دلکش نظاروں،بلندوبالا کوہساروں اورقدرتی موسم سے لطف اندوز ہونے کیلئے مری آتے ہیں،سیاحوں پرمری داخلے پر پابندی سے جہاں مقامی کاروباری طبقے کے معاشی مفادات کو متاثرکرکے ان کامعاشی قتل کیاجارہا ہے،راجہ عرفان کا کہنا تھا کہ ملک میں بڑھتی ہوئی مہنگائی، ماضی کے لاک ڈاؤنز اور مری میں جاری مختلف آپریشنز کے باعث کاروباری طبقہ اورعوام پہلے ہی شدید مشکلات اورپریشانی سے دوچار ہیں، ایسے حالات میں سیاحوں کی آمد پر مزید پابندیاں عائد کرنا سمجھ سے بالاتر ہے انہوں نے اعلیٰ حکام سے اپیل کی کہ مری آنے والے سیاحوں کے لیے غیر ضروری رکاوٹیں ختم کی جائیں