اہم مقامات پرکینٹ انتظامیہ کی جانب سے صفائی کے خصوصی انتظامات کیے گئے

مری (راشد مغل)ستھراپنجاب،راولپنڈی ویسٹ مینجمنٹ کمپنی اور کینٹ بورڈ مری ہلز کے صفائی ورکرز مختلف علاقوں میں صفائی ستھرائی کے فرائض سرانجام دیتے رہے تاکہ شہریوں اور سیاحوں کو بہترین صفائی،صاف ستھرا اور خوشگوار ماحول میسر آ سکے،عید کے موقع پر مال روڈ، کینٹ ایریا اور دیگر اہم مقامات پرکینٹ انتظامیہ مری کی جانب سے صفائی کے خصوصی انتظامات کیے گئے،صفائی آپریشن کی نگرانی چیف ایگزیکٹو آفیسر کینٹ بورڈ مری ہلز عمیر محبوب، ایم ڈی راولپنڈی ویسٹ مینجمنٹ کمپنی عمر اویس کیانی، آپریشن منیجر آر ڈبلیو ایم سی مری طلحہ میر اور منیجر جی ایچ ایس شیخ حماد خالد نے کررہے تھے، مذکورہ افسران نے مری شہر اور کینٹ کے تمام علاقوں میں صفائی آپریشن کی مسلسل نگرانی کرتے ہوئے عملے کی رہنمائی اور حوصلہ افزائی کی،قربانی کے جانوروں کی آلائشوں اور دیگر فضلہ کو بروقت ٹھکانے لگانے کے لیے خصوصی ٹیمیں متحرک رہیں۔