کراچی/لاہور: عالمی مارکیٹ میں قیمتوں کے رجحان کے زیر اثر پاکستان میں بھی سونے کے نرخوں میں نمایاں اضافہ ریکارڈ کیا گیا ہے۔
ہفتے کے روز عالمی بلین مارکیٹ میں سونے کی فی اونس قیمت میں 13 ڈالر کا اضافہ ہوا، جس کے بعد عالمی سطح پر سونا 4 ہزار 538 ڈالر فی اونس کی سطح پر پہنچ گیا۔ بین الاقوامی مارکیٹ میں ہونے والے اس اضافے کے اثرات مقامی صرافہ بازاروں میں بھی دیکھے گئے ہیں۔
مقامی سطح پر سونے کی فی تولہ قیمت میں 1300 روپے کا اضافہ ہوا، جس کے بعد نئی قیمت 4 لاکھ 76 ہزار 162 روپے مقرر ہو گئی ہے۔ اسی طرح 10 گرام سونے کا بھاؤ بھی 1115 روپے بڑھ کر 4 لاکھ 8 ہزار 232 روپے تک جا پہنچا ہے۔
واضح رہے کہ ایک روز قبل یعنی جمعہ کے کاروباری سیشن میں سونے کی فی تولہ قیمت میں 500 روپے کی کمی دیکھی گئی تھی، جس کے بعد یہ 4 لاکھ 74 ہزار 862 روپے پر بند ہوا تھا۔
دوسری جانب، سونے کے برعکس چاندی کی قیمتوں میں گراوٹ دیکھی گئی۔ ہفتے کے روز چاندی کی فی تولہ قیمت 21 روپے کی کمی کے بعد 8 ہزار 13 روپے پر آ گئی ہے۔
سونے کی قیمتوں میں تیزی، مقامی مارکیٹ میں بھاؤ 4 لاکھ 76 ہزار روپے سے تجاوز کر گیا
