’نریندر مودی نے سخت محنت سے روپے کو اب تک کی سب سے نچلی سطح پر پہنچا دیا‘، کانگریس کا طنز

ڈالر کے مقابلے روپے کی کم ہوتی قدر معاملہ پر کانگریس نے ایک بار پھر مودی حکومت کو تنقید کا نشانہ بنایا ہے۔ آج روپیہ اب تک کی سب سے نچلی سطح پر پہنچ گیا، جس کے بعد کانگریس نے سوشل میڈیا پلیٹ فارم ’ایکس‘ پر ایک مختصر پوسٹ جاری کر وزیر اعظم نریندر مودی پر طنزیہ انداز میں حملہ کیا ہے۔ کانگریس نے لکھا ہے کہ ’’1 ڈالر = 95.63 روپیہ۔ نریندر مودی نے سخت محنت سے روپے کو اب تک کی سب سے نچلی سطح پر پہنچا دیا۔‘‘ ساتھ ہی یہ بھی لکھا ہے کہ ’’روپے کی خراب حالت، ملک کی خراب معیشت کا ثبوت ہے۔ مودی ایک ناکام وزیر اعظم ہیں۔‘‘