شیخوپورہ: موبائل فون کے تنازع پر بھائی نے فائرنگ کرکے بہن کو قتل کردیا

شیخوپورہ(رپورٹ اسامہ طفیل)
تھانہ سٹی مریدکے کے علاقہ حدوکے میں موبائل فون کے تنازع پر بھائی نے فائرنگ کرکے اپنی 20 سالہ بہن کو قتل کردیا۔پولیس ذرائع کے مطابق مقتولہ کی شناخت زینب بی بی کے نام سے ہوئی ہے جبکہ واقعہ کے بعد ملزم عنبر موقع سے فرار ہوگیا۔ اطلاع ملتے ہی پولیس کی بھاری نفری موقع پر پہنچ گئی اور علاقے کو گھیرے میں لے کر ملزم کی گرفتاری کیلئے ناکہ بندی کردی گئی۔پولیس نے ضروری کارروائی کے بعد لاش تحویل میں لے کر پوسٹمارٹم کیلئے ٹی ایچ کیو ہسپتال منتقل کردی جبکہ واقعہ کی مختلف پہلوؤں سے تحقیقات شروع کردی گئی ہیں۔ ذرائع کے مطابق ابتدائی تحقیقات میں واقعہ کی وجہ موبائل فون کا تنازع بتایا جارہا ہے۔