شیخوپورہ: (رپورٹ اسامہ طفیل) شیخوپورہ ایم ٹو موٹروے پر دو ٹرکوں میں خوفناک تصادم ہوا ہے جس میں ایک شخص جاں بحق جبکہ ایک زخمی ہوگیا۔
رپورٹ کے مطابق شیخوپورہ ایم ٹو موٹروے پر فاروق آباد نہر کے قریب لاہور جانے والی سمت میں دو ٹرکوں کے درمیان خوفناک تصادم کے نتیجہ میں ایک شخص جاں بحق جبکہ ایک معمولی زخمی ہوگیا۔ ریسکیو ٹیموں نے بروقت کارروائی کرتے ہوئے زخمی شخص کو موقع پر ہی ابتدائی طبی امداد فراہم کی جبکہ جاں بحق ہونے والے شخص کی لاش کو ریسکیو ٹولز کی مدد سے ٹرک سے نکال کر ضروری کارروائی کے بعد پولیس کے حوالے کردیا گیا۔ زخمی شخص کی شناخت 24 سالہ محمد ارشد جبکہ جاں بحق شخص کی شناخت 22 سالہ خضر عباس کے نام سے ہوئی ہے۔ پولیس نے واقعہ کی تحقیقات شروع کر دی ہیں۔