لاہور: 15 نومبر کے بعد ادارہ تحفظ ماحول کا گرین اسٹکر نہ لگا ہوا تو گاڑی ضبط۔۔۔۔۔ حکومت نے شہریوں کو خبردار کردیا۔
ڈی جی ماحولیات ڈاکٹر عمران حامد شیخ کی جانب سے احکامات کے مطابق لاہور میں تمام گاڑیوں کیلئے ایگزاسٹ ٹیسٹنگ لازمی قرار دے دیا گیا ہے۔ای پی اے پنجاب نے لاہور میں آلودگی پھیلانے والی گاڑیوں کے خلاف سخت ایکشن کا آغاز کر دیا ہے۔
ڈی جی ماحولیات ڈاکٹر عمران حامد شیخ نے کہا ہے کہ 15 نومبر 2025 کے بعد بغیر ای ٹی ایس سرٹیفکیٹ یا گرین اسٹیکر گاڑیاں سڑک پر نظر آئیں تو قبضے میں لے لی جائیں گی ۔صرف وہی گاڑیاں سڑک پر چل سکیں گی جو پنجاب ماحولیاتی معیار پر پوری اتریں گی۔
ای پی اے نے شہریوں کو خبردار کر دیا: گاڑیوں کے اخراج اور شور کی جانچ لازمی ہے ۔ ڈی جی ماحولیات ڈاکٹر عمران حامد شیخ کے مطابق ماحول دشمن گاڑیوں کے خلاف زیرو ٹالرینس پالیسی نافذ ہے ۔ ای ٹی ایس سے غیر تصدیق شدہ گاڑیوں کو قانونی کارروائی اور ضبطگی کا سامنا کرنا پڑے گا ۔ ای پی اے پنجاب نے آلودگی کے خلاف سخت ترین مہم کا آغاز لاہور سے کر دیا ہے۔ شہری فوری طور پر اپنی گاڑیوں کی ایگزاسٹ ٹیسٹنگ مکمل کروائیں ورنہ گاڑیاں ضبط ہوں گی ۔