اسلام آباد:پاکستان نے عالمی سطح پر افغان مہاجرین کی باوقار وطن واپسی کی مثال قائم کر دی۔تفصیلات کے مطابق حکومت پاکستان کی جانب سے افغان مہاجرین کی باعزت وطن واپسی کے لیے عملی اقدامات جاری ہیں۔وفاقی و صوبائی حکومتوں کی ہم آہنگی سے افغان مہاجرین کی وطن واپسی ممکن بنائی جا رہی ہے۔ایف سی اور سول انتظامیہ کی کاوشوں سے عمل شفاف اور موثر بنایا جا رہا ہے۔45 سال پاکستان میں گزارنے والے افغان مہاجرین نے وطن واپسی پر اپنے جذبات کا خوبصورتی سے اظہار کیا۔
افغان مہاجر نے کہا کہ باوقار وطن واپسی پر حکومت پاکستان اور ایف سی کے کردار پر انتہائی مشکور ہیں۔ہم کسی دبائو کے بغیر اپنی مرضی سے وطن واپس جا رہے ہیں۔افغان مہاجر کے مطابق خوراک اور سرحد تک سامان کی ترسیل میں حکومت اور ایف سی اہلکاروں نے بھرپور تعاون فراہم کیا،ہمیں ہماری خواہش کے مطابق تمام سہولیات فراہم کی جا رہی ہیں۔
افغان مہاجر نے کہا کہ پاکستان میں بہت اپنائیت ملی، ہمیں کبھی مہاجر نہیں سمجھا گیا،پاکستان اور اداروں نے وطن واپسی کو عزت دار اور منظم انداز میں ممکن بنایا۔افغان مہاجر کے مطابق بلوچستان میں 40 سال گزارنے کے بعد بہترین یادوں کے ساتھ وطن لوٹ رہے ہیں،حکومت ہر حد تک افغان مہاجرین کی سرحد تک رہنمائی، خوراک، اور ضروری سامان کی فراہمی کو یقینی بنا رہی ہے۔