لاہور: (حافظ نعیم سے )وزیراعلی پنجاب مریم نواز شریف بابا فرید کی دھرتی میں الیکٹرک بس لے آئیں۔وزیراعلی مریم نواز شریف کی آمد پر فقید المثال استقبال،عوام نے الیکٹرو بس پر پھولوں کی پتیاں نچھاور کیں۔
وزیراعلی مریم نواز شریف نے پاکپتن میں الیکٹرو بس کا افتتاح کردیا۔ وزیراعلی مریم نواز شریف نے پاکپتن کی پہلی الیکٹرو بس پر حضرت بختیار کاکی چوک سے ایس پی چوک تک سفر کیا۔سڑکوں کے اطراف میں کھڑے نوجوانوں کا جوش و خروش دیدنی تھا۔ ہزاروں کا ہجوم ساتھ چلتا رہا جبکہ وزیراعلی مریم نواز شریف مسلسل کھڑے ہو کر نعروں کا جواب دیتی رہیں ۔
یادرہے یہ پاکپتن کی ساڑھے سات سو سالہ تاریخ کا پہلا سرکاری ٹرانسپورٹ سسٹم جس کے تحت پاکپتن میں 15 بسیں تین مختلف شہری روٹ پر چلیں گی۔جنرل بس اسٹینڈ پاکپتن سے بنگہ حیات،عارف والا اور نور پور سیال 5-5 بسیں چلیں گی۔
اس موقع پر عوام نعرے لگاتی رہی "سب توں اعلیٰ ۔۔۔۔ پنجاب دی وزیراعلی”،”بابا فرید کی نگری میں جی آیاں نوں "”مرھم ہے مریم”۔
جبکہ ستھرا پنجاب کے ورکرز بھی عوام کے ساتھ ساتھ پوسٹر اٹھائے کھڑے نظر آئے۔استقبالی ہجوم میں خواتین کی بہت بڑی تعداد بھی شامل تھی۔ایک نوجوان محترمہ کلثوم نواز شریف کا پینسل سکیچ اٹھائے استقبالی ہجوم میں شامل چلتا رہا۔
الیکٹرو بس کےراستے میں نیو سینی ٹیشن فلیٹ کی جدید گاڑیاں بھی موجود تھیں۔وزیراعلی مریم نواز شریف نے تقریب گاہ میں ارکان اسمبلی سے ان کی نشستوں پر جا کر ملاقات کی۔وزیراعلی مریم نواز شریف تقریب سے واپسی پر گاڑی میں بیٹھنے کی بجائے عوام کی جانب چل پڑیں۔وزیراعلی مریم نواز شریف نے بچوں ۔ خواتین اور نوجوانوں کا شکریہ ادا کیا۔