فیصل آباد (حافظ نعیم سے )مجھ پر جیسی مرضی تنقید کریں پرواہ نہیں اگر پنجاب پر پنجاب کے لوگوں پر پنجاب کی ترقی پر تنقید کریں گے تو مریم نواز تمہیں گھر تک پہنچا کر آئے گی وزیراعلی مریم نواز کا فیصل آباد میں دبنگ خطاب
افتتاحی تقریب سے خطاب کرتے ہوئے انہوں نے کہا کہ مجھ پر بہت خوبصورت تنقید ہوتی ہے کہ ہر جگہ مریم نوازکی تصویر ہے جب کام کرو گے تو تصویر تو آئے گی نا انہوں نے وارننگ دیتے ہوئے کہا مجھ پر بھلے بات کریں مجھے کوئی فرق نہیں پڑتا انہوں نے 7،8 سال باتیں ہی کی ہیں مجھ پر بات کریں مریم نواز کچھ نہیں کہے گی لیکن اگر پنجاب پر بات کریں گے پنجاب کی عوام پر بات کریں گےپنجاب کی ترقی پر بات کریں گے پنجاب کے حق پر بات کریں گے تو مریم نواز آپ کو گھر تک پہنچا کر آئے گی۔اس موقع پر رانا ثنااللہ نو منتخب سینیٹر نے بھی خطاب کیا ان کا کہنا تھا کہ انشااللہ وزیراعلی مریم نواز وزیراعظم بھی بنیں گی۔
وزیراعلیٰ پنجاب مریم نواز شریف نے پیر کو فیصل آباد میں ایک شاندار وپروقار تقریب میں الیکٹرک بس سروس کا افتتاح کیا ۔
مسلم لیگ(ن) پنجاب کے صدر، سینیٹر و مشیر وزیر اعظم رانا ثنااللہ خان،وزیر مملکت برائے داخلہ طلال چوہدری،عابد شیر علی،وزیر اعظم کے معاون خصوصی رانا احسان افضل، راجہ ریاض احمد اور دیگر لیگی رہنماؤں نے جامعہ زرعیہ فیصل آباد میں ان کا استقبال کیا۔ اس موقع پر وائس چانسلر جامعہ زرعیہ فیصل آباد پروفیسر ڈاکٹر ذوالفقار علی، کمشنر فیصل آباد راجہ جہانگیر انور،آر پی او ذیشان اصغر، ڈپٹی کمشنر کیپٹن (ر) ندیم ناصر، سی پی او صاحبزادہ بلال عمر اور دیگر حکام بھی موجود تھے۔وزیراعلیٰ الیکٹرک بس میں سوار ہوکر پنڈال کی طرف روانہ ہوئیں۔
زرعی یونیورسٹی کے ایڈمن بلاک کے سامنے طالبات نے وزیراعلیٰ کا شاندار استقبال کرتے ہوئے انہیں ان کی خوبصورت تصاویر پیش کیں جس پر وزیراعلیٰ نے ان کا شکریہ ادا کیا۔ اس موقع پر طالبات نے وزیراعلیٰ سے یونیورسٹی طالبات کیلئے الگ سے تین الیکٹرک بسیں دینے کا مطالبہ کیا جس پر انہوں نے طالبات کیلئے الگ سے الیکٹرک بسیں فراہم کرنے کی یقین دہانی کروائی۔
ننھی بچیاں علاقائی لباس اور بچے پگڑیاں پہن کر خیر مقدم کرتے رہے، زرعی یونیورسٹی میں ہزاروں طلبہ بینرز و پورٹریٹ اٹھائے نعرے لگاتے رہے، وزیراعلیٰ نے شکریہ ادا کر کے پورٹریٹ وصول کیے اور گرین بس میں بچوں کے ساتھ سیلفیاں بنائیں۔
سڑکوں پر عوام کا تاریخی مجمع، گلاب کی پتیاں نچھاور اور کبوتر چھوڑے گئے، پہلے مرحلے میں 30 بسیں یوسف ٹاؤن تا سیگل سٹی (22 کلومیٹر) اور یونیورسٹی راؤنڈ اباؤٹ تا سدھار (18 کلومیٹر) چلیں گی، فیصل آباد ڈویژن کے لیے 150 بسیں ہوں گی، روزانہ 24 ہزار مسافر مستفید ہوں گے۔
وزیراعلیٰ پنجاب مریم نواز شریف کے گرین، حسین پنجاب وژن کے تحت فیصل آباد کے شہریوں کو آرام دہ سفری سہولیا ت کی فراہمی کیلئے 30 جدید، آرام دہ، محفوظ اور ماحول دوست الیکٹرک بسیں فراہم کی گئی ہیں جن سے روزانہ 24 ہزار سے زیادہ شہری مستفید ہوسکیں گے۔ مذکورہ بسوں میں بزرگ اور خصوصی افراد کیلئے وہیل چیئرز اور سپیشل نشستوں کا بھی انتظام ہے۔