لاہور:(حافظ نعیم سے )وزیر اطلاعات پنجاب عظمی بخاری نے سندھ کے صوبائی وزیر شرجیل میمن کے بیان پر ردعمل کا اظہار کرتے ہوئے کہا ہے کہ مسلم لیگ (ن)نے کبھی صوبائیت کارڈ,نہروں کے کارڈ اور ڈیم کارڈ نہیں کھیلے،مسلم لیگ(ن)قومی جماعت ہے قومی سوچ اور قومی ترقی کو ترجیح دیتی ہے۔
انہوں نے کہا کہ شرجیل میمن جس کوinexperience team کہہ رہے اسی ٹیم نے ڈیڑھ سال میں پنجاب میں 80 منصوبوں کے ساتھ انقلاب برپا کردیا ہے۔۔آپ لوگوں نے 17 سالوں میں جو کراچی اور سندھ کا حشر کیا اسکا رونا عوام وقتاً فوقتاً روتے رہتے ہیں۔ سندھ کے پچھلے سیلاب میں بیرونی امدادکے باوجود آج بھی تباہی ہی تباہی ہے۔
وزیراطلاعات پنجاب عظمی بخاری کا کہنا تھا کہ جو کردار آج کی پیپلز پارٹی نے پنجاب کے سیلاب میں ادا کیا ہے وہ پنجاب یاد رکھے گا۔بری بات ۔۔۔۔۔اپنے چیئرمیں بلاول جس نے سیلاب میں مریم نواز کی تعریف کی انکو جھٹلانا آپکو زیب نہیں دیتا۔