لاہور: (حافظ نعیم )پاکستان کی پہلی جامع ویٹ پالیسی بنانے کے لئے صوبوں کے ساتھ مشاورت کا عمل شروع کردیا گیا
وزیراعظم محمد شہباز شریف کی ہدایت پروزیراعلیٰ مریم نواز شریف سے وفاقی وزیر برائے صنعت وپیداوار اورنیشنل فوڈ سیکیورٹی اینڈ ریسرچ رانا تنویر حسین نے ملاقات کی ہے۔
وفاقی وزیر رانا تنویر حسین نے وزیراعلیٰ مریم نواز شریف کی سیلاب متاثرین کے لئے انتھک محنت پر خراج تحسین پیش کیا۔
باہمی ملاقات میں ویٹ پالیسی پر مفصل تبادلہ خیال کیا گیا جبکہ پنجاب میں سیلاب کی صورتحال کے بعد اگلے سال کے لئے گندم کے سٹریٹجک ذخائر بہتر کرنے کیلئے اقدامات پر بھی غور ہوا اور ویٹ مینجمنٹ سٹریٹجی اور روڈ میپ پر تبادلہ خیال بھی کیا گیا۔
وزیراعلیٰ مریم نوازشریف نے پنجاب میں گندم کی پیداوار میں اضافہ کے لئے اقدامات سے آگاہ کیا۔