راولپنڈی: خیبر پختونخوا میں سیکیورٹی فورسز کی دو مختلف کارروائیوں میں بھارت کے حمایت یافتہ دہشت گرد گروہ فتنہ الخوارج کے 31 دہشت گرد ہلاک کر دیے گئے۔
یہ کارروائیاں 13 اور 14 ستمبر کو لکی مروت اور بنوں میں خفیہ اطلاعات پر کی گئیں۔ لکی مروت میں دہشت گردوں کے ٹھکانے کو گھیرے میں لے کر مؤثر کارروائی کی گئی، جس دوران شدید فائرنگ کے تبادلے میں 14 دہشت گرد ہلاک ہوئے۔
اسی نوعیت کی ایک اور کارروائی بنوں میں کی گئی جہاں سیکیورٹی فورسز نے 17 مزید دہشت گردوں کو جہنم واصل کیا۔
پاک فوج نے اپنے عزم کا اعادہ کیا ہے کہ بھارتی سرپرستی میں ہونے والی دہشت گردی کے ناسور کو جڑ سے اکھاڑ پھینکا جائے گا اور ملک میں امن قائم رکھا جائے گا۔