مظفر گڑھ: (حافظ نعیم سے ) وزیر اعلیٰ پنجاب مریم نواز شریف علی پور ریلیف کمیپ پہنچ گئیں۔
رپورٹ کے مطابق۔ وزیراعلیٰ مریم نواز شریف کی گورنمنٹ ہائی سکول علی پور
میں قائم فلڈ ریلیف کیمپ پہنچیں اور سیلاب کے دوران جاں بحق ہونے والے افراد کے لواحقین کو امدادی رقوم کے چیک پیش کئے۔ اس موقع پر وزیراعلیٰ مریم نواز شریف کی سیلاب متاثرین سے بات چیت، گھل مل گئیں۔وزیراعلیٰ مریم نواز شریف نے سیلاب متاثرہ خواتین کو دلاسہ دیا اور نقصانات کے ازالے کی یقین دہانی کرائی۔
وزیر اعلیٰ مریم نواز شریف نے دیگ سے خود سالن ڈال کر سیلاب متاثرین کو پیش کیا خود جاکر ہر خاتون اور بچوں کو کھانا پیش کرتی رہیں۔وزیر اعلیٰ مریم نواز شریف نے سیلاب متاثرہ خواتین کے ساتھ بیٹھ کر کھانا کھایا۔
ننھی بچیاں وزیراعلی مریم نواز شریف سے لپٹ گئیں اور پیار کیا۔وزیر اعلیٰ مریم نواز شریف نے فلڈ ریلیف کیمپ میں کمسن بچی کی خواہش پر کرکٹ کھیلی۔وزیر اعلیٰ مریم نواز شریف نے بال کرائی اور ہٹ کرنے پر بچی کو داد دی۔
وزیراعلیٰ مریم نواز شریف نے فلڈر یلیف کیمپ کے عارضی کلاس روم میں میں بچوں سے ہلکے پھلکے انداز گپ شپ کی اور بچوں سے پڑھائی کے بارے میں پوچھا۔وزیراعلیٰ مریم نواز شریف نے سیلاب متاثرین سے فلڈ ریلیف کیمپ میں میسر سہولتوں کے بارے میں دریافت کیا۔ انہوں نے سیلاب متاثرین خاندانوں کو تحائف بھی پیش کئے
وزیراعلیٰ مریم نواز شریف نے امدادی سرگرمیوں میں معاونت پر پاک نیوی کا خصوصی طور پر شکریہ ادا کیا۔وزیراعلیٰ مریم نواز شریف کوڈپٹی کمشنر مظفرگڑھ اور ڈی جی پی ڈی ایم اے نے بریفنگ دی دوران بریفنگ وزیراعلی پنجاب مریم نواز شریف کو بتایا گیا کہ سیلاب سے ضلع مظفر گڑھ کے 147 موضع،3 لاکھ 94ہزار سے زائد آبادی متاثر ہوئی۔ سیلاب سے زیادہ متاثرہونے والی تحصیل علی پور کے 26 موضع زیر آب آئے۔سیلاب متاثرین کے لئے 37 فلڈ ریلیف کیمپ اور 8 ٹینٹ سٹی قائم کیے گئے ہیں۔ فلڈ ریلیف کیمپوں میں متاثرین کو کھانا، میڈیسن اور دیگرسہولتیں فراہم کی جارہی ہیں۔