کوئٹہ :بلوچستان کے ضلع مستونگ میں سیکیورٹی فورسز نے خفیہ اطلاع پر انٹیلی جنس بیسڈ آپریشن کیا۔ اطلاعات کے مطابق بھارتی پراکسی نیٹ ورک فتنہ الہندستان کے دہشت گردوں کی موجودگی کی اطلاع پر کارروائی عمل میں لائی گئی۔
آئی ایس پی آرکے مطابق آپریشن کے دوران سیکیورٹی فورسز اور دہشت گردوں کے درمیان شدید فائرنگ کا تبادلہ ہوا جس کے نتیجے میں چار بھارتی حمایت یافتہ دہشت گرد مارے گئے۔
آئی ایس پی آر کے مطابق دہشت گردوں کے قبضے سے بھاری مقدار میں اسلحہ، گولہ بارود اور دھماکہ خیز مواد برآمد ہوا۔ ہلاک دہشت گرد علاقے میں متعدد دہشت گرد کارروائیوں میں ملوث رہے تھے۔سیکیورٹی فورسزکی جانب سے علاقے کو کلیئر کرنے کے لیے سرچ اور سینیٹائزیشن آپریشن جاری ہے۔
آئی ایس پی آر کا کہنا ہے کہ پاکستانی فورسز ملک سے بھارتی سپانسرڈ دہشت گردی کے مکمل خاتمے کے لیے پرعزم ہیں اور دہشت گردوں کو کیفرِ کردار تک پہنچایا جائے گا۔