اسلام آباد :برصغیر کے ممتاز روحانی بزرگ شاہ عبدالطیفکاظمی المعروف حضرت بری امام سرکار کے 320 ویں تین روزہ سالانہ عرس کی تیاریاں عروج پر پہنچ گئی ہیں۔
مزار کو غسل دینے کی تقریب میں وفاقی وزیر ریلویز محمد حنیف عباسی، رکن قومی اسمبلی نصیر سندھو، ڈی سی اسلام آباد عرفان میمن، راجہ سرفراز اکرم، راجہ امتیاز جنجوعہ، ڈاکٹر ریاض جنجوعہ ، محمد وسیم ، راجہ شہبازاور ضلعی انتظامیہ سمیت بری امام سرکار کے عقیدتمندوں کی کثیر تعداد میں شرکت کی۔
غسل دینے کے بعد وفاقی وزیر ریلویز محمد حنیف عباسی،کن قومی اسمبلی نصیر سندھو و دیگر نے فاتحہ خوانی کی اور مزار پر پھولوں کی چادریں چڑھائیں،تین روزہ عرس جمعہ آٹھ اگست سے شروع ہوگا جو دس اگست بروز اتوار تک جاری رہے گا، عرس کے دوران محافل نعت اور محفل سماع منعقد ہونگی جن میں ملک کے ممتاز نعت خوان اور قوال حضرات شرکت فرمائیں گے، عرس کے آخری دن اجتماعی دعا کی تقریب ہو گی جسکے مہمان خصوصی بھی ڈپٹی وزیراعظم محمد اسحاق ڈار ہونگے۔