لاہور: اجتماعی زی ادت ی کے مقدمے کا مرکزی ملزم سی سی ڈی کے ساتھ مبینہ پولیس مقابلے میں ہلاک

لاہور: (ؒرپورٹ ملک ظہیر)

لاہور کے علاقے گجرپورہ میں خاتون سے مبینہ اجتماعی زی ادتی کے مقدمے کا مرکزی ملزم عدنان سی سی ڈی کے ساتھ مبینہ پولیس مقابلے میں ہلاک ہو گیا۔ذرائع کا کہنا ہے کہ سی سی ڈی نے ملزم کی گرفتاری کے لیے ہربنس پورہ کے علاقے میں چھاپہ مارا، جہاں ملزم نے پولیس پارٹی کو دیکھتے ہی مبینہ طور پر فائرنگ شروع کر دی۔ پولیس کی جوابی کارروائی کے دوران ہونے والے فائرنگ کے تبادلے میں ملزم عدنان ہلاک ہو گیا جبکہ اس کے دیگر ساتھی فرار ہونے میں کامیاب ہو گئے۔
یہ بھی پڑھیں:
"گجرپورہ میں درندگی کا ایک اور واقعہ: کیا خواتین کے تحفظ کے دعوے صرف کاغذی کارروائی تک محدود ہیں؟”
پولیس کے مطابق متاثرہ خاتون کو مبینہ طور پر زبردستی کھیتوں میں لے جا کر اجتماعی زیادتی کا نشانہ بنایا گیا تھا۔ الزام ہے کہ ملزمان نے دورانِ واردات ویڈیو بھی بنائی اور بعد ازاں متاثرہ خاندان کو بلیک میل کرتے رہے۔یہ واقعہ تقریباً ایک ماہ قبل پیش آیا تھا۔ پولیس نے عدنان، عبداللہ اور مبشر کے خلاف مقدمہ درج کر رکھا ہے۔ مدعی مقدمہ کے مطابق خاندان نے ابتدا میں عزت و وقار کے پیش نظر رپورٹ درج نہیں کروائی، تاہم مسلسل بلیک میلنگ کے باعث قانونی کارروائی کا فیصلہ کرنا پڑا ، دیگر ملزمان کی گرفتاری کے لیے چھاپے مارے جا رہے ہیں۔