کراچی :عالمی منڈی میں سونے کی قیمت مسلسل چوتھے سیشن میں گراوٹ کا شکار رہی اور 0.6 فیصد کمی کے ساتھ 4,619 ڈالر فی اونس پر آ گئی، جو 6 مئی کے بعد کم ترین سطح ہے۔ ہفتہ وار بنیاد پر بھی سونا تقریباً 2 فیصد سستا ہو چکا ہے، جبکہ امریکی گولڈ فیوچرز 1.3 فیصد کمی کے ساتھ 4,624 ڈالر پر بند ہوئے۔
ادھر ڈالر کی قدر میں ایک فیصد سے زائد اضافے نے سونے کو دیگر کرنسی رکھنے والے سرمایہ کاروں کے لیے مزید مہنگا بنا دیا، جس سے طلب میں کمی آئی۔ م آل پاکستان جیمز اینڈ جیولرز صرافہ ایسوسی ایشن (اے پی جی جے ایس اے) کے جاری اعداد و شمار کے مطابق مقامی مارکیٹ میں سونے کی فی تولہ قیمت 15,500 روپے کی نمایاں گراوٹ کے بعد 476,862 روپے کی سطح پر آ گئی۔
اسی طرح 10 گرام سونے کی قیمت میں بھی 13,289 روپے کی کمی واقع ہوئی، جس کے بعد یہ 408,832 روپے پر فروخت ہوا۔ یاد رہے کہ اس سے قبل جمعرات کو سونے کی فی تولہ قیمت میں 1,000 روپے کا معمولی اضافہ ہوا تھا اور یہ 492,362 روپے تک پہنچ گئی تھی۔