۔اسلام آباد: معروف اسمارٹ فون برانڈ ٹیکنو نے اپنی مقبول ‘گو’ سیریز کا نیا ماڈل Spark Go 3 لانچ کر دیا ہے۔ اس فون کی سب سے بڑی خاصیت اس کی پائیداری ہے، جسے خاص طور پر گرنے سے بچاؤ (Drop Resistance) اور گرد و غبار سے تحفظ کے لیے ڈیزائن کیا گیا ہے۔
ٹیکنو (Tecno) نے بجٹ اسمارٹ فون مارکیٹ میں اپنی پوزیشن مزید مستحکم کرنے کے لیے اپنا نیا سستا اور پائیدار فون Spark Go 3 عالمی سطح پر متعارف کروا دیا ہے۔ یہ فون نہ صرف اپنی کم قیمت بلکہ اپنی مضبوط بناوٹ کی وجہ سے بھی توجہ کا مرکز بن رہا ہے
پائیداری اور ڈسپلے: سستا بھی اور مضبوط بھی ٹیکنو اسپارک گو 3 کو IP64 ریٹنگ دی گئی ہے، جس کا مطلب ہے کہ یہ فون گرد و غبار سے مکمل طور پر محفوظ ہے اور پانی کے معمولی چھینٹوں کو بھی برداشت کر سکتا ہے۔ فون میں 6.74 انچ کا بڑا LCD ڈسپلے دیا گیا ہے جو 120Hz ریفریش ریٹ کو سپورٹ کرتا ہے، جو اس قیمت میں ایک غیر معمولی فیچر ہے۔6.74 انچ، IPS LCD، 120Hz ریفریش ریٹ سے لیس فون میں Unisoc T7250 (12 nm) کا پراسیسر دیا گیا ہے۔ چار جی بی ریم اور 164 جی بی اسٹوریج کے ساتھ یہ فون ٹائٹینیم گرے، انک بلیک، گلیکسی بلیو، ارورہ پرپل رنگوں میں دست یاب ہے۔
جدید سافٹ ویئر اور آرٹیفیشل انٹیلی جنس (AI)یہ فون بجٹ کیٹیگری کا پہلا فون ہے جو اینڈرائیڈ 15 کے ساتھ آرہا ہے۔ ٹیکنو نے اس میں اپنا نیا Ella AI اسسٹنٹ بھی شامل کیا ہے، جو گوگل اسسٹنٹ کی طرح کام کرے گا اور صارفین کو روزمرہ کے کاموں میں مصنوعی ذہانت کے ذریعے مدد فراہم کرے گا۔کیمرہ اور بیٹری کی کارکردگی لاجواب ہے ۔فوٹوگرافی کے شوقین افراد کے لیے اس کے پیچھے 13 میگا پکسل کا مین کیمرہ اور فرنٹ پر 8 میگا پکسل کا سیلفی کیمرہ دیا گیا ہے۔ فون میں 5,000 mAh کی بڑی بیٹری نصب ہے جو 15 واٹ کی وائرڈ چارجنگ کو سپورٹ کرتی ہے، جس سے صارفین سارا دن بغیر کسی پریشانی کے فون استعمال کر سکیں گے
عالمی مارکیٹ میں ٹیکنو اسپارک گو 3 کی قیمت صرف 99 ڈالر (تقریباً 28 ہزار پاکستانی روپے) رکھی گئی ہے۔ پاکستان میں اس کی مقامی سطح پر تیاری کی وجہ سے توقع ہے کہ یہ فون یہاں بھی اسی قیمت کے آس پاس دستیاب ہوگا، جس سے یہ سستے فونز کے خریداروں کے لیے بہترین انتخاب بن جائے گا۔