لندن:سینئیرصحافی مرتضیٰ علی شاہ نے دعویٰ کیا ہے کہ معروف پاکستانی یوٹیوبر رجب بٹ کو برطانیہ سے نکال دیا گیا ہے۔ ندیم مبارک عرف ندیم نانی والا کے ہمراہ پاکستان روانہ۔۔۔ ہم وہ بھی بتائیں گے جو ڈکی بھائی نہیں بتا سکے،ندیم کا اعلان،
منگل کو اپنے سوشل میڈیا پلیٹ فارمز پر ویڈیو پیغام شیئر کرتے ہوئے مرتضیٰ علی نے دعویٰ کیا کہ برطانیہ کی حکومت نے رجب بٹ کا ویزا منسوخ کر کے انہیں برطانیہ سے بے دخل کر دیا ہے۔ رجب بٹ پر برطانوی حکومت نے یہ الزام لگایا کہ جب ڈیڑھ برس قبل رجب نے ویزا اپلائی کیا تھا تو اس وقت انہوں نے خود پر چلنے والے کیسز کی تفصیلات فراہم نہیں کی تھیں۔
مرتضیٰ علی نے یہ دعویٰ کیا کہ رجب بٹ اب برطانیہ سے واپس پاکستان روانہ ہو گئے ہیں اور ان کے ساتھ ان کے دوست ندیم مبارک عرف ندیم نانی والا بھی موجود ہیں۔
دوسری طرف ندیم مبارک نے اس واقعے کی تصدیق کی ہے کہ انہیں اور رجب کو گرفتار کیا گیا تھا جبکہ برطانوی پاسپورٹ ہونے کے باعث انہیں چھوڑ دیا گیا اور رجب کا ویزا منسوخ کر دیا گیا۔ویڈیو پوسٹ کے نیچے ندیم مبارک نے کمنٹ کرتے ہوئے وضاحت کی کہ رجب کا ویزا منسوخ ہوا ہے، میرا نہیں کیونکہ میں واحد شخص ہوں جو مستقل برطانوی شہری ہے۔ اُس کا ویزا چند دن پہلے منسوخ کیا گیا۔
ان کا کہنا تھا کہ وہ اُسے پاکستان بطور والینٹیئر لے کر جا رہےہیں، اور ہم مل کر این سی سی آئی کے مسائل حل کریں گے۔ ان سی سی آئی نے میرے خلاف دو جعلی ایف آئی آرز اور رجب کے خلاف ایک ایف آئی آر درج کی ہے۔ ہمارے پاس اسلام آباد ہائی کورٹ کا سٹے آرڈر موجود ہے تاکہ ایئرپورٹ پر ہمیں گرفتار نہ کیا جائے۔
ندیم نے مزید لکھا کہ ہم یہ ٹرائل کا سامنا کریں گے، اور میں وہ سب کچھ بے نقاب کروں گا جو ہوا تھا وہ باتیں جو شاید ڈکی بھائی کھل کر نہیں بتا سکے۔
View this post on Instagram