لندن+ریاض:منگل کو خام تیل کی قیمتوں میں تقریباً 1 فیصد اضافہ ریکارڈ کیا گیا۔
برینٹ خام تیل کے سودے 86 سینٹ یا 0.8 فیصد اضافے سے 105.07 ڈالر فی بیرل پر پہنچ گئے جبکہ امریکی ویسٹ ٹیکساس انٹرمیڈیٹ (ڈبلیو ٹی آئی) کی قیمت 99 سینٹ یا 1 فیصد اضافے کے بعد 99.06 ڈالر ریکارڈ کی گئی۔ پیر کو دونوں بینچ مارکس کی قیمتوں میں تقریباً 2.8 فیصد اضافہ ہوا تھا۔
امن معاہدے کے جلد طے پانے کے حوالے سے پائی جانے والی امیدیں ایک بار پھر دم توڑتی دکھائی دے رہا ہے اور اگر مئی کے آخر تک کوئی معاہدہ نہ ہو پایا تو تیل کی قیمتوں میں اضافے کے خطرات یقینی طور پر سامنے آئیں گے۔
ماہرین معشیت کا کہنا ہے کہ صورتحال میں کسی بھی قسم کی شدت یا بحری ناکہ بندی کی نئی دھمکیوں کے نتیجے میں برینٹ کی قیمت تیزی سے دوبارہ 115 ڈالر فی بیرل سے اوپر جا سکتی ہے۔
جنگ بندی ٹوٹنے کاخدشہ، تیل کی قیمتیں پھر بڑھنے لگیں، برینٹ خام تیل 105.07 ڈالر فی بیرل پر پہنچ گیا
