لاہور:(رپورٹ ملک ظہیر)
داتا دربار خودکش حملے میں جامِ شہادت نوش کرنے والے پنجاب پولیس کے بہادر اہلکاروں کی 7ویں برسی آج عقیدت و احترام کے ساتھ منائی گئی۔ اس موقع پر ان شہدا کی قربانیوں کو خراجِ تحسین پیش کیا گیا جنہوں نے فرض کی ادائیگی کے دوران اپنی جانوں کا نذرانہ پیش کیا۔
آئی جی پنجاب عبدالکریم نے شہدا کو خراجِ عقیدت پیش کرتے ہوئے کہا کہ فرض کی راہ میں جانیں قربان کرنے والے عظیم سپوت پوری قوم کا فخر ہیں۔ انہوں نے کہا کہ پنجاب پولیس اپنے شہدا اور ان کے اہل خانہ کی قربانیوں کو کبھی فراموش نہیں کر سکتی۔ ترجمان پنجاب پولیس کے مطابق 2019 میں آج ہی کے دن لاہور کے تاریخی داتا دربار پر ہونے والے خودکش حملے میں پنجاب پولیس کے 5 اہلکار شہید ہوئے تھے۔ شہدا میں 3 ہیڈ کانسٹیبلز اور 2 کانسٹیبلز شامل تھے۔ شہید ہونے والوں میں ہیڈ کانسٹیبل گلزار علی، ہیڈ کانسٹیبل شاہد نذیر، ہیڈ کانسٹیبل محمد سہیل، کانسٹیبل محمد سلیم اور کانسٹیبل صدام حسین شامل ہیں، جنہوں نے دورانِ ڈیوٹی جان کا نذرانہ دے کر بہادری اور فرض شناسی کی نئی مثال قائم کی۔آئی جی پنجاب نے کہا کہ شہدا کی قربانیاں پنجاب پولیس کی تاریخ کا روشن باب ہیں اور ان کی لازوال خدمات ہمیشہ یاد رکھی جائیں گی
داتا دربار خودکش حملے میں جامِ شہادت نوش کرنے والے پنجاب پولیس کے بہادر اہلکاروں کی 7ویں برسی عقیدت واحترام سے منائی گئی
