میڈیا کی محتاجی ختم، ڈی جی پی آر کی او بی وین کا افتتاح،وزیراعلیٰ مریم نواز نے معائنہ کیا

لاہور:ڈی جی پی آر نے سیٹلائٹ دور میں داخل ہوتے ہوئے پہلی ڈی ایس این جی اینڈ او بی وین لانچ کر دی ہے، جس کا باقاعدہ افتتاح وزیراعلیٰ پنجاب مریم نواز نے کیا۔
جدید ترین اس وین کا مقصد پنجاب بھر میں ہائی کوالٹی لائیو نیوز کوریج اور آؤٹ ڈور براڈکاسٹنگ کو آسان بنانا ہے۔
افتتاحی تقریب کے دوران وزیراعلیٰ مریم نواز نے ڈی ایس این جی اینڈ او بی وین کا تفصیلی معائنہ کیا اور پراجیکٹ کے سٹاف سے ملاقات کی۔ صوبائی وزیر اطلاعات و ثقافت عظمیٰ زاہد بخاری نے بریفنگ دیتے ہوئے بتایا کہ اس وین میں پہلی مرتبہ ایڈوانس آرٹیفیشل انٹیلی جنس آڈیو ویڈیو ٹرانس میشن سسٹم انسٹال کیا گیا ہے، جو بلارکاوٹ، سیٹلائٹ اپ لنک اور براڈکاسٹنگ کو ممکن بنائے گا۔