سیئول : کووڈ ویکسین سے چھاتی پھپھڑوں کے کینسر سمیت 6 کینسر ہونے کا خطرہ ، جنوبی کوریائی سائنسدانوں کی تحقیق نے دنیا بھر میں تہلکہ مچادیا۔
یادرہے کئی ایسی رپورٹس سامنے آ چکی ہیں جن میں کووڈ ویکسین سے نوجوانوں میں دل کو نقصان پہنچنے اور دل کا دورہ پڑنے کا خطرہ بڑھنے کے کیسز سامنے آئے ہیں ۔ لیکن اب ایک ایسی تحقیق سامنے آئی ہے جس نے تشویش میں کئی سو گنا اضافہ کردیا ہے کووڈ ویکسین پر شروع سے ہی سوالات اٹھتے رہے ہیں اور کئی طرح کے طبی شبہات ظاہر کیے گئے ہیں۔
ایک حالیہ رپورٹ میں کوریائی سائنسدانوں نے الرٹ کیا ہے کہ کووڈ ویکسین کینسر کے خطرے کو بھی بڑھانے والی ہو سکتی ہے۔ ماہرین نے متنبہ کیا ہے کہ ویکسین کے اثرات پر طویل مدت کی نگرانی ضروری ہے۔ محققین نے اپنی رپورٹ میں دعویٰ کیا ہے کہ انھیں اس بات کے ثبوت ملے ہیں کہ کووڈ ویکسین سے پھیپھڑے اور پستان سمیت 6 طرح کے کینسر کا خطرہ بڑھ گیا ہے۔ یہ خطرہ 65 سال سے زیادہ عمر کے لوگوں میں سب سے زیادہ دیکھا جا رہا ہے۔
تاہم دیگر سائنسدانوں کا کہنا ہے کہ اس بات کا کوئی قابل اعتماد ثبوت نہیں ہے کہ ویکسین ’ٹیومر سپریسرس‘ کو رخنہ انداز کرتے ہیں یا کسی بھی طرح کے عمل کو فروغ دیتے ہیں، جس کے نتیجہ کار کینسر ہوتا ہے۔
بہرحال، کوریائی سائنسدان اپنے اس دعویٰ پر قائم ہیں کہ کہ کووڈ ویکسین کینسر کا خطرہ بڑھا سکتے ہیں۔ ’بایومارکر ریسرچ‘ رسالہ میں شائع یہ اسٹڈی آرتھوپیڈک سرجری اور کریٹیکل کیئر کے کوریائی ڈاکٹرز کی طرف سے کی گئی ہے، جنھوں نے 2021 اور 2023 کے درمیان 84 لاکھ سے زائد بالغوں کے طبی ریکارڈ کا تجزیہ کیا۔
انھیں 2 گروپوں میں تقسیم کیا گیا تھا۔ پہلا جنھیں صرف کووڈ کے ایک یا دو ٹیکے لگے تھے، اور دوسرا جنھیں بوسٹر شاٹس بھی لگائے گئے تھے۔ ٹیکوں کے ایک سال بعد ریسرچ میں شامل لوگوں میں کینسر کے جوکھم کا پتہ لگانے کے لیے جانچ کی گئی۔ رپورٹ میں سامنے آیا کہ جن لوگوں نے کم از کم ایک کووڈ ویکسین لیا تھا، ان میں تھائیرائیڈ کینسر ہونے کا امکان 35 فیصد اور گیسٹرک کینسر ہونے کا امکان 34 فیصد بڑھ گیا۔ پھیپھڑوں اور پروسٹیٹ کینسر کے لیے یہ امکان بالترتیب 53 اور 68 فیصد، جبکہ پستان اور کولوریکٹل کینسر کا خطرہ بالترتیب 20 اور 28 فیصد بڑھ گیا ہے۔ یہ مضر اثرات ’سی ڈی این اے‘ ویکسین میں دیکھے گئے۔
محققین نے یہ بھی بتایا کہ فائزر اور ماڈرنا جیسی ایم آر این اے ویکسین بھی تھائیرائیڈ، کولوریکٹل، پھیپھڑے اور پستان کینسر کے امکان کو بڑھانے والی ہو سکتی ہیں۔ ویکسین لگوانے والے مرد گیسٹرک اور پھیپھڑوں کے کینسر کے تئیں زیادہ حساس تھے، جبکہ خواتین میں تھائیرائیڈ اور کولوریکٹل کینسر کا خطرہ زیادہ دیکھا گیا۔