لاہور(ایجوکیشن رپورٹر)میڈیکل اور ڈینٹل کالجز میں داخلے کے خواہش مند طلبہ کے لیے ایم ڈی کیٹ 2025 کے لیے رجسٹریشن شیڈول جاری کر دیا گیا .
ایم ڈی کیٹ کی رجسٹریشن کل سے شروع ہوگی،رجسٹریشن پی ایم ڈی سی آن لائن پورٹل کے ذریعے کرے گی،نارمل فیس کے ساتھ رجسٹریشن 25 اگست تک ہوگی،لیٹ فیس کے ساتھ رجسٹریشن یکم ستمبر تک ہوسکے گی،پاکستانی طلباکیلئے نارمل رجسٹریشن فیس 9 ہزار روپے ہوگی،یہی فیس گزشتہ سال ساڑھے 8 ہزار روپے تھی،لیٹ رجسٹریشن فیس 13 ہزار روپے ہوگی۔پی ایم ڈی سی ریاض سعودی عرب میں بھی ٹیسٹ کا انعقاد کرے گی،ریاض میں ایم ڈی کیٹ کی رجسٹریشن فیس 45 ہزار ، لیٹ فیس 55 ہزار ہوگی،ایم ڈی کیٹ امتحان 5 اکتوبر بروز اتوار منعقد ہوگا،پنجاب میں ایم ڈی کیٹ کا انعقاد یونیورسٹی آف ہیلتھ سائنسز کے تحت ہوگا،سندھ میں ایم ڈی کیٹ سکھر آئی بی اے یونیورسٹی کے تحت ہوگا،کے پی کے میں خیبر میڈیکل یونیورسٹی یونیورسٹی ایم ڈی کیٹ امتحان لے گی۔بلوچستان میں بولان میڈیکل یونیورسٹی کے تحت ایم ڈی کیٹ امتحان ہوگا