چینی سائنسدانوں نے جلے ہوئے زخموں میں خون کے بہاؤ کو روکنے والا نیا حل تیار کر لیا
لاہور(خصوصی رپورٹ )چین کے سائنس دانوں نے شدید جلے ہوئے زخموں کے علاج میں پیش آنے والے ایک بڑے مسئلے — یعنی سرجری کے دوران خون کے زیادہ بہاؤ — کا شاندار حل تلاش کر لیا ہے۔
شینزین انسٹیٹیوٹ آف ایڈوانسڈ ٹیکنالوجی اور روجِن ہسپتال کے ماہرین نے ایک خاص قسم کی پٹی تیار کی ہے، جو بیکٹیریل سیلولوز سے بنائی گئی ہے۔ یہ مٹیریل نہ صرف جسم کے لیے محفوظ ہے بلکہ اس میں ہوا بھی گزر سکتی ہے، جو زخم کو ٹھیک کرنے کے لیے ضروری ہے۔
اس پٹی کی خاص بات یہ ہے کہ اس میں خون جمانے والا قدرتی خامرہ ’تھرومبن‘ شامل کیا گیا ہے، جو خون روکنے میں مدد دیتا ہے۔ تھرومبن عام طور پر پٹی پر زیادہ دیر نہیں ٹک پاتا، لیکن سائنس دانوں نے اس مسئلے کو حل کرنے کے لیے ایک ’بایولوجیکل گلو ٹیگ‘ استعمال کیا ہے، جو تھرومبن کو پٹی سے جُڑے رکھنے میں مدد دیتا ہے۔