امریکی صدر ٹرمپ نے کہا ہے کہ انہوں نے والٹر ریڈ ملٹری میڈیکل سینٹر میں طبی معائنہ ابھی ابھی مکمل کیا ہے۔ تاہم انہوں نے اس معائنے کے وقت کا تعین نہیں کیا۔
یہ واضح نہیں ہو سکا کہ آیا ٹرامپ کا کوئی نیا طبی معائنہ ہوا ہے یا وہ مئی کے آخر میں کیے گئے معائنے کا حوالہ دے رہے تھے۔ یاد رہے اس معائنے کے بعد انہوں نے کہا تھا کہ سب کچھ بالکل ٹھیک ہے۔ تاہم سوشل میڈیا پر ان کا ایک ماہ بعد ہی دوبارہ طبی معائنے پر اظہار تشویش کیا جارہا ہے۔
🚨 BREAKING:
US President Trump announced he underwent a medical checkup at Walter Reed Hospital.
"My physical exam went flawlessly; I aced my third cognitive test," he said.
Following this, bruises on Trump's neck and hand became a hot topic… pic.twitter.com/t4ZflETMOu
— GBC (@GBC_Press) July 11, 2026
جون میں 80 سال کے ہونے والے ٹرمپ نے سماجی رابطے کے پلیٹ فارم ’’ ٹروتھ سوشل ‘‘ پر ایک پوسٹ میں لکھا کہ میں نے ابھی والٹر ریڈ سینٹر میں ایک بہترین طبی معائنہ مکمل کیا ہے اور میں یہ معائنہ ہر چھ ماہ بعد کراتا ہوں ۔ میں نے ایک اور شناختی (ذہنی صلاحیت کا) ٹیسٹ کرانے کی درخواست کی تھی اور میں واحد صدر ہوں جو ایسا کرتا ہے۔ تین بار میں ان سب میں نمایاں رہا۔ میں نے ہر سوال کا بالکل درست جواب دیا۔