واشنگٹن : وائٹ ہاؤس نے امریکی صدر ڈونلڈ ٹرمپ کی بگڑتی ہوئی صحت اور ان کے ہسپتال داخل ہونے سے متعلق سوشل میڈیا پر وائرل ہونے والی تمام خبروں کی سختی سے تردید کر دی ہے۔ وائٹ ہاؤس کے ڈائریکٹر آف کمیونیکیشن اسٹیون چیؤنگ نے واضح کیا ہے کہ صدر ٹرمپ نہ صرف تندرست ہیں بلکہ اس وقت بھی حساس قومی امور کی انجام دہی میں مصروف ہیں۔
BREAKING – UNCONFIRMED
There are some reports, some speculation and unconfirmed info coming in that Trump has been taken to Walter Reed Hospital – it is currently reported that roads around the hospital have been closed, and the White House announced that the President will not… pic.twitter.com/A4LfIYc3XL
— ᶜᵒᵐᵐᵉᶰᵗᵃʳʸ John F. Kennedy Jr. (@Real_JFK_Jr_) April 5, 2026
اسٹیون چیؤنگ کے مطابق، صدر ٹرمپ نے ایسٹر کے ویک اینڈ پر کوئی چھٹی نہیں لی بلکہ وہ وائٹ ہاؤس اور اوول آفس میں مسلسل کام کر رہے ہیں۔
”صدر ٹرمپ امریکی عوام کے مفاد کے لیے انتھک محنت کر رہے ہیں اور ان کی صحت سے متعلق پھیلائی جانے والی باتیں محض من گھڑت افواہیں ہیں۔“
وائٹ ہاؤس کی ‘ریپڈ ریسپانس ٹیم’ نے بھی ایک بیان جاری کیا ہے جس میں تصدیق کی گئی ہے کہ صدر کی صحت کے بارے میں تشویش کی کوئی بات نہیں اور وہ اپنی سرکاری ذمہ داریوں میں مکمل طور پر مگن ہیں۔
وائٹ ہاؤس نے ایک دلچسپ تفصیل بھی شیئر کی ہے کہ صدر ٹرمپ اپنی گردن پر ہونے والی سرخ خارش (Red Rash) کے لیے حفاظتی علاج (Preventative Treatment) استعمال کر رہے ہیں۔ اگرچہ اس خارش کی نوعیت کے بارے میں مزید تفصیلات فراہم نہیں کی گئیں، تاہم حکام کا کہنا ہے کہ یہ کوئی سنگین طبی مسئلہ نہیں ہے اور اس کا صدر کی روزمرہ کی سرگرمیوں پر کوئی اثر نہیں پڑ رہا۔