پہلا کمیونٹی ہیلتھ انسپکٹرز پروگرام لانچ،مائیں،بہنیں،بیٹیاں میدان میں نکل آئیں تو پنجاب کو کوئی ہرا نہیں سکتا، مریم نوازشریف

لاہور: وزیراعلیٰ مریم نواز شریف نے پنجاب کے پہلے کمیونٹی ہیلتھ انسپکٹرز پروگرام لانچ کر دیا۔ انہوں نے کہا کہ آج ہم ہر شعبے میں خود کفیل ہیں، سہولیات گھر تک پہنچائیں گے۔نجاب ہاکی سٹیڈیم لاہور میں کمیونٹی ہیلتھ انسپکٹرز پروگرام کی لانچنگ تقریب میں صوبے بھر سے 55 ہزار کمیونٹی ہیلتھ انسپکٹرز نے شرکت کی۔ وزیراعلیٰ ہر انکلیوژر کے سامنے گئیں اور ہرضلع سے آنے والی کمیونٹی ہیلتھ انسپکٹرزکا خیر مقدم کیا۔
انہوں نے اپنے خطاب میں کہا کہ پنجاب ری ایکشن نہیں بلکہ پروایکٹو گورننس پر یقین رکھتا ہے، 55 ہزار کمیونٹی ہیلتھ انسپکٹرز میدان عمل میں نکلیں گی تو پنجاب سے بیماریاں بھاگ جائیں گی۔ حکومت اب انتظار نہیں کرے گی بلکہ خود چل کر گھروں تک جائے گی۔ مائیں، بہنیں، بیٹیاں میدان عمل میں نکل آئیں تو پنجاب کو کوئی نہیں ہرا سکتا۔ مائیں، بہنیں، بیٹیاں پنجاب کی تقدیر بدل دیں گی۔ پنجاب کی بیٹی ڈٹ جائے تو پنجاب کا لینڈ سکیپ بدل سکتی ہے۔
مریم نواز نے کہا کہ پنجاب کی خواتین میدان عمل میں اپنا منفرد مقام پیدا کریں گی، خواتین پنجاب کی ترقی کے لئے بہترین کردار ادا کر سکتی ہیں، کمیونٹی ہیلتھ انسپکٹرز پروگرام میں 25 ہزار لوگوں کو جاب ملی، 50 ہزار تنخوا دے رہے ہیں، کمیونٹی ہیلتھ انسپکٹر کام کر کے دکھائیں تو تنخواہ بڑھائیں گے۔ اب قوم کی بیٹی خدمت کر رہی ہے، اس کی عزت سب پر فرض ہے، کیمونٹی ہیلتھ انسپکٹرز کو کہنا چاہتی ہوں کہ یہ نوکری نہیں مشن ہے