راولپنڈی:ملک کے پہلے چیف آف ڈیفنس فورسرز (سی ڈی ایف) مقرر کیے جانے کے بعد فیلڈ مارشل سید عاصم منیر کو گارڈ آف آنر پیش کیا گیا، جنرل ہیڈکوارٹرز (جی ایچ کیو) میں تینوں مسلح افواج کی جانب سے گارڈ آف آنر پیش کیا گیا۔
تفصیلات کے مطابق ملک کے پہلے چیف آف ڈیفنس فورسز مقرر کیے جانے کے بعد، چیف آف آرمی اسٹاف (COAS) فیلڈ مارشل عاصم منیر کو پیر کے روز راولپنڈی میں جی ایچ کیو میں گارڈ آف آنر پیش کیا گیا۔
تقریب میں چیف آف نیول اسٹاف ایڈمرل نوید اشرف اور پاک فضائیہ کے سربراہ ایئر چیف مارشل ظہیر احمد بابر بھی موجود تھے۔
تینوں مسلح افواج کے گارڈز نے چیف آف ڈیفنس فورسز جنرل سید عاصم منیر کو سلامی پیش کی۔
بعد ازاں آڈیٹوریم میں ’معرکۂ حق‘ کے دوران شاندار خدمات انجام دینے والے پاک فضائیہ کے پائلٹس کو اور پاک بحریہ کے آفسران کو چیف آف ڈیفنس فورسز جنرل سید عاصم منیر کی جانب سے سووینئرز (Souvenirs) پیش کیے گئے۔