لاہور: دہشت گرد، انتہا پسند اور نفرت کے نیٹ ورک —پنجاب میں بے بس!وزیراعلیٰ پنجاب مریم نواز شریف دورہ برازیل سے واپسی کے ساتھ ہی امن و امان کے لیے مزید ہائی الرٹ،پنجاب حکومت نے انتہا پسندوں اور دہشتگرد کے نیٹ ورک کا مالیاتی اور جنگی انفراسٹرکچر اکھاڑ پھینکا،کالعدم انتہا پسند جماعت کے ٹھکانوں سے غیر قانونی جدید ترین اسلحہ، ہزاروں گولیاں، بلٹ پروف جیکٹس اور جنگی ساز و سامان برآمد۔پنجاب حکومت نے احتجاج کے نام پر نفرت فتنہ پھیلانے والی فنڈنگ جام کر دی۔کالعدم انتہا پسند جماعت کے عہدے داروں کے 23 ارب 40 کروڑ کے اثاثے منجمد۔92 بینک اکاؤنٹس اور جاز کیش سمیت تمام ڈیجیٹل اکاؤنٹس جام۔کالعدم انتہا پسند جماعت کے 90 فنانسرز کے خلاف بھی مقدمات درج ہوگئے۔رپورٹ کے مطابق وزیر اعلی مریم نواز شریف کی زیرِ صدارت امن و امان پر غیرمعمولی اجلاس منعقد ہوا جس میں پنجاب حکومت نے باقی صوبوں میں بھی کالعدم انتہا پسند جماعت کے خلاف پنجاب جیسی یکساں کاروائی کے لئے وفاقی حکومت سے درخواست کرنے کا فیصلہ کیا ہے ۔وزیراعلی مریم نواز شریف نے کومبنگ آپریشن مستقل جاری رکھنے کا حکم دیا ہے ۔
سوشل میڈیا پر ملکی سلامتی کے خلاف مواد شئیر کرنے پر 31مقدمات درج کرلئے گئے، وزیراعلی پنجاب مریم نواز شریف کو دی گئی بریفنگ میں کہا گیا کہ پنجاب میں مساجد اور آئمہ کرام کے لیے 61 ہزار سے زائد فارم تقسیم کیے گئے۔پنجاب میں 50 ہزار سے زائد آئمہ کرام نے خود اپنی رجسٹریشن کر کے امن اور قانون کے ساتھ اپنے تعلق کو مضبوط کیا۔
پنجاب میں آئمہ کرام کی 82 فیصد رجسٹریشن مکمل ہونے پر وزیر اعلیٰ مریم نواز شریف کا اظہار اطمینان کیا جبکہ پنجاب میں امن کی مضبوطی کے لیے پانچ بڑے وفاق المدارس نے مساجد/ آئمہ کرام کی رجسٹریشن پر اتفاقِ رائے کیا گیا ۔
وزیراعلی مریم نواز شریف نے آئمہ کرام کو پریشان نہ کرنے اور احترام ملحوظ خاطر رکھنے کی ہدایت کی ہے ۔ وزیراعلیٰ پنجاب مریم نواز شریف کا کہنا تھا کہ آئمہ کرام نماز پڑھاتے ہیں ،نہیں چاہتے کہ وہ چندے کے لئے ہاتھ پھیلائیں ۔ ۔
وزیراعلیٰ پنجاب مریم نواز شریف نے خبردار کیا کہ پنجاب کے کسی شہر میں وال چاکنگ برداشت نہیں کی جائے گی انہوں نے پنجاب حکومت کے تمام ڈپٹی کمشنرز کو صوبہ بھر میں وال چاکنگ پر مکمل پابندی کے مستقل نفاذ کے لئے مؤثر اقدامات جاری رکھنے کی ہدایت کی جبکہ پنجاب حکومت کی جانب سے پنجاب کے عوام کی جانب سے انتہاپسندی اور فتنہ انگیزی کو یکسر مسترد کرنے پر اظہار اطمینان کیا گیا۔
اجلاس میں پنجاب میں اسلحہ لے کر چلنے کے لئے ایس او پیز وضح کرنے کا اصولی فیصلہ کیا گیا ہے جبکہ وزیراعلی مریم نواز شریف نے اسلام آباد جوڈیشل کمپلیکس حملے کے پیش نظر سرویلنس مزید بڑھانے کی ہدایت کی ہے جبکہ وزیراعلی مریم نواز شریف نےڈسٹرکٹ میں ڈرون سرویلنس کی ہدایت بھی کی ۔
وزیراعلی مریم نواز شریف نے حکم دیا ہے کہ ہراسانی کے واقعات کی بھی ڈرون سرویلنس کی جائے۔