اسلام آباد :این سی سی آئی اے کرپشن اسکینڈل میں پیشرفت سامنے آئی ہے ، کال سینٹرز کے ذریعے بڑے پیمانے پر مبینہ فراڈ کا انکشاف ہوا ہے، راولپنڈی،اسلام آباد میں 20 سے زائد کال سنٹرزپرکارروائی میں اہم ریکارڈ قبضےمیں لے لیا گیا۔
ذرائع کے مطابق متعلقہ ادارے کے 2 ڈائریکٹرز،3 ڈپٹی ڈائریکٹرز، 2 انسپکٹرز کال سنٹر فراڈ میں مبینہ طور پر ملوث پائے گئے، تحقیقاتی اداروں نے کال لاگز،فنانشل ٹرانزیکشنز اور اہم ای میل ریکارڈ حاصل کر لئے، کال سنٹرنیٹ ورک کے ذریعے شناختی ومالی معلومات کا مبینہ غلط استعمال کیا جاتا تھا، فراڈ میں ملوث افسران کا فنڈنگ نیٹ ورک بھی حاصل کر لیا گیا، انٹیلی جنس فوٹیج اور سی سی ٹی وی سے کال سنٹرز کی سرگرمیوں کے ٹھوس شواہد بھی حاصل کر لئے گئے ہیں، قانون نافذ کرنے والے ادارے نے بینکنگ اور موبائل پیمنٹ ٹریل بھی حاصل کر لی ہے، مبینہ پیسہ بینکنگ چینلز سے بیرونِ ملک منتقلی کے ثبوت بھی حاصل کئے گئے، آئندہ چند روز میں متعلقہ افسران کے خلاف مقدمہ درج ہونے کا امکان ہے ۔