مری : (حافظ نعیم سے )وزیر اعلیٰ مریم نواز شریف کی مری آمد ، شانداراستقبال ،کارکنوں نے پھولوں سے گاڑی ڈھانپ دی،،،وزیر اعلیٰ مریم نواز شریف نے مری کے پہلے نواز شریف کارڈیالوجی سنٹر کا افتتاح کردیا۔
رپورٹ کے مطابق وزیر اعلیٰ مریم نواز شریف نے نواز شریف کارڈیالوجی سنٹر کا دورہ کیا انہوں نے ایکو روم ، پری کیتھ روم، ایس کے روم کا معائنہ کیا جبکہ وزیر اعلیٰ مریم نواز شریف نے کیتھ لیب کا دورہ بھی کیا۔ جدید ترین مشین کا معائنہ کرتے ہوئے وزیر اعلیٰ مریم نواز شریف کا مری میں پہلی جدید ترین کیتھ لیب کے قیام پر اظہار تشکرکیا۔
وزیراعلی مریم نواز شریف نے پوسٹ کیتھ لیب میں پروسیجر مکمل کرانے والے مریضوں اشتیاق ، حنیف ، منیر ، دلدار خان کی عیادت کی اور انہیں تسلی دی اور صحت یابی کی دعا کی انہوں نےمریضوں کو پھل اور تحائف پیش کئے۔
بعد ازاں وزیر اعلیٰ مریم نواز شریف نے کارڈیک سنٹر کے کنسلٹنٹ ، ڈاکٹر اور سٹاف سے بات چیت کرتے ہوئے کہا کہ یہ سب مریض میرے اپنے ہیں ۔ بہت خیال رکھنا۔
اس موقع پر خطاب کرتے ہوئے مریم نوازشریف کا کہنا تھاکہ اب دل کے امراض میں مبتلا کسی فرد کو مری سے باہر نہیں جانا پڑے گا ۔اعلان کرنے والے آتے اور چلے جاتے ۔ہم کام کرنے والے ہیں۔۔
رپورٹ کے مطابق وزیر اعلیٰ مریم نواز شریف کی ہدایت پر نواز شریف ہسپتال میں مریضوں کی امدورفت کے گاڑیاں بھی مختص کردی گئی ہیں نواز شریف کارڈیالوجی سنٹر میں اس وقت تک 16- مریضوں کی انجیو گرافی ہوچکی ہے۔
کارڈیالوجی سنٹر او پی ڈی میں روزانہ 215 سے زائد مریض ، 21 مریض ایڈمٹ ہوتے ہیں۔
نواز شریف کا ریڈیالوجی سینٹر میں سی سی یو، ایچ ڈی یو، کارڈیالوجی وارڈ ، ریسسی ٹیشن روم اور تین سپیشل ورڈ قائم کیا گیا ہے یادرہےسامبلی ہسپتال کی پہلی چیف پیٹرن محترمہ فاطمہ جناح تھیں۔